AFFA azarkeşlərinə görə “Zirə” klubuna xəbərdarlıq edib.

“Sizinxeber.az” qurumun mətbuat xidmətinə istinadən xəbər verir ki, bu barədə İntizam Komitəsinin növbəti iclasında qərar qəbul olunub.

Buna səbəb Azərbaycan Premyer Liqasının V turunda “Qarabağ”la oyunun 29-cu dəqiqəsində rəqib komandanın azarkeşlərinin ünvanına kütləvi şəkildə təhqiramiz ifadələr səsləndirilməsi olub. Bu hal cari mövsümdə ilk dəfə yaşandığına görə AFFA hələlik xəbərdarlıqla kifayətlənib.

V turun “Sumqayıt” - “Araz Naxçıvan” oyununda 5 futbolçusu sarı vərəqə aldığına görə qonaqlar 700 manat cərimələnib.

“Şamaxı” – “Neftçi” görüşü bitdikdən sonra meydana kənar şəxs daxil olduğuna görə bölgə təmsilçisi 800 manat cərimələnib.

AFFA “Kəpəz” klubunu da 800 manat cərimələyib. Buna V turun “Sabah”la matçı bitdikdən sonra meydana kənar şəxsin daxil olması səbəb olub.

Oxşar xəbərlər

AFFA Samir Abasova xəbərdarlıq edib

AFFA “Kəpəz”in futbolçusunu 1 oyunluq cəzalandırıb

AFFA “Sumqayıt” və “Kəpəz” klublarını cərimələyib

"Neftçi"nin futbolçusu azarkeşlərə əşya atdığı üçün cəzalanıb