İnanıram ki, "Qarabağ" "Dinamo" səddini də keçəcək və əsas mərhələdə iştirak edəcək.

Bunu "Report"a açıqlamasında AFFA-nın texniki direktoru Cahangir Həsənzadə Azərbaycan çempionu "Qarabağ"ın Xorvatiyada "Dinamo"ya qarşı keçirəcəyi UEFA Çempionlar Liqasının pley-off mərhələsinin ilk oyunundan əvvəl deyib.

Təcrübəli mütəxəssis "köhlən atlar"ın bu raundda iştirak etməsinin qürurverici olduğunu bildirib:

"Komanda indiyədək bütün oyunları yüksək səviyyədə keçirib. Hətta III təsnifat mərhələsində Bakıda Bolqarıstan təmsilçisi "Ludoqorets"ə məğlub olanda (1:2) belə, oyun baxımından kifayət qədər güclü olduğunu gördük. Sadəcə, həmin vaxt təmsilçimiz potensialını tam aça bilməmişdi. Bunun davamını isə səfər matçında göstərdi. Sürətli və məzmunlu görüş izlədik. Nəticə baxımından da bizi qane etdi".

Azərbaycan millisinin və Ağdam klubunun sabiq qapıçısı pley-offdakı rəqibin əvvəlkindən daha güclü və təcrübəli olduğunu vurğulayıb:

"Məncə, Xorvatiya təmsilçisi "Qarabağ"a qarşı tədbir görmək haqqında düşünür. Azərbaycan çempionu bu səddi də keçməyə qadirdir. Sonuncu matçdan sonra itkilər yaşandı. Buna təəssüflənirik. Amma heyət kifayət qədər genişdir. Digər futbolçular da oyuna güc və sürət qata bilərlər. Məncə, Marko Veşoviç və Marko Yankoviçin yeri dolacaq".

Qeyd edək ki, tərəflər arasında bu gün Maksimir stadionunda təşkil olunacaq ilk matç Bakı vaxtı ilə saat 23:00-da start götürəcək. Cavab görüşü avqustun 28-də keçiriləcək.

Oxşar xəbərlər

Mahmud Qurbanov: “Qarabağ”ın Çempionlar Liqasının əsas mərhələsinə düşmək şansı böyükdür [xfgiven_updateblue][/xfgiven_updateblue]

"Dinamo"nun baş məşqçisi: "Qarabağ" çox mütəşəkkil komandadır [xfgiven_updateblue][/xfgiven_updateblue]

"Qarabağ" - "Dinamo" oyununun başlama saatı dəqiqləşib [xfgiven_updateblue][/xfgiven_updateblue]

"Qarabağ"ın iki aparıcı futbolçusu "Dinamo" ilə matçları buraxacaq [xfgiven_updateblue][/xfgiven_updateblue]

Qurban Qurbanov: “Ludoqorets”lə oyun sanki triller idi [xfgiven_updateblue][/xfgiven_updateblue]