UEFA Konfrans Liqasının III təsnifat mərhələsində "Sabah"ın İrlandiya təmsilçisi "Sent Patriks Atletik"lə cavab qarşılaşmasına indiyədək satılan biletlərin sayı açıqlanıb.

"Report" klubun mətbuat xidmətinə istinadən xəbər verir ki, Masazırda keçiriləcək görüşə 4500 bilet satılıb.

Komandanın ev oyunlarını keçirdiyi "Bank Respublika Arena" 8700 azarkeş tutumuna malikdir.

Qeyd edək ki, "Sabah" - "Sent Patriks Atletik" matçı avqustun 15-də, saat 20:00-da “Bank Respublika Arena”da keçiriləcək. İlk oyunda İrlandiya təmsilçisi 1:0 hesablı qələbə qazanıb.

Oxşar xəbərlər

Konfrans Liqası: "Sabah"ın rəqibini Bakıda az sayda azarkeş dəstəkləyəcək

UEFA Konfrans Liqası: "Sent Patriks Atletik" - "Sabah" görüşü başlayıb