Azərbaycan I Liqasının pley-off mərhələsində üz-üzə gələcək komandalar müəyyənləşib.

"Sizinxeber.az" xəbər verir ki, I Liqanın XXVII turunda səfərdə "Cəbrayıl"a 3:2 hesabı ilə qalib gələn "Şimal" xallarının sayını 20-yə çatdıraraq 9-cu sıraya yüksəlib.

Bununla da komanda sonuncu pillədən qurtularaq çempionatda qalmaq şansını saxlayıb.

Xaçmaz təmsilçisi cari mövsüm II Liqanı ikinci sırada başa vuran "Qaradağ Lökbatan"la pley-off görüşündə qarşılaşacaq.

1 matçdan ibarət olan qarşılaşmada qələbə qazanan tərəf 2026/2027 mövsümündə I Liqada çıxış etmək hüququ qazanacaq.

MOİK-lə qarşılaşan "Difai" kollektivi isə sonuncu turda rəqibinə 0:4 hesabı ilə uduzaraq turnir cədvəlinin ən axırıncı pilləsinə - 10-cu yerə enib və I Liqanı tərk edib.

Oxşar xəbərlər

Azərbaycan Basketbol Liqasının pley-off mərhələsində daha iki oyun keçiriləcək

Azərbaycan Basketbol Liqasında pley-off mərhələsinin bütün iştirakçıları bəlli olub

Azərbaycan Basketbol Liqasında iki yarımfinalçı müəyyənləşib

"Qəbələ"nin I Liqanın ilk turundakı rəqibi müəyyənləşib

Azərbaycan Basketbol Liqasında pley-in mərhələsinin daha bir oyunu keçirilib