İran milli futbol komandası Türkiyə toplanışından sonra ABŞ-a yollanacaq.

Sizinxeber.az-nın Tehran bürosunun məlumatına görə, İran Futbol Federasiyası yığmanın dünya çempionatında iştirakının qəti olduğunu açıqlayıb.

Bildirilib ki, İran millisi hazırlıq prosesini intensiv məşqlərlə davam etdirir. Komanda hazırlıq çərçivəsində Türkiyədə təlim-məşq toplanışı keçəcək və daha sonra ABŞ-a yola düşəcək.

Federasiya qeyd edib ki, İran millisi dünya çempionatına vəsiqəni layiqincə qazanıb və heç bir xarici amil komandanın mundialda iştirakına mane ola bilməz.

Açıqlamada həmçinin bildirilib ki, İran yığması 2026-cı il dünya çempionatında mütləq iştirak edəcək, lakin ev sahibi tərəf İranın narahatlıqlarını nəzərə almalıdır.

Qeyd edək ki, daha əvvəl İran millisinin dünya çempionatında iştirakı ilə bağlı müxtəlif iddialar səsləndirilmişdi.

İran millisi 2026-cı il dünya çempionatının G qrupunda Yeni Zelandiya, Belçika və Misir yığmaları ilə bir qrupda yer alıb. Komanda qrup mərhələsinin oyunlarını ABŞ-ın Los-Anceles və Sietl şəhərlərində keçirəcək.

Oxşar xəbərlər

İran millisinin ABŞ-da planlaşdırılan oyunlarının Meksikada keçirilməsi təklif olunub

İran xarici işlər naziri Qətərə gedir

Təbriz təmilçisi “Traktor” ilk dəfə İran çempionu olub

Moskvada Çin-Rusiya-İran məsləhətləşmələri keçiriləcək

İran, Çin və Rusiya Tehranın nüvə məsələsini müzakirə edir