Almaniya Futbol İttifaqının (DFB) Nəzarət Komitəsi "Bavariya"nın hücumçusu Nikolas Ceksonu Bundesliqanın XXVI turunda "Bayer 04"ə qarşı keçirilən oyununda (1:1) aldığı qırmızı vərəqəyə görə iki oyunluq diskvalifikasiya edib.

"Sizinxeber.az" xəbər verir ki, 24 yaşlı seneqallı futbolçu görüşün 41-ci dəqiqəsində rəqib komandanın vingeri Marten Terryenin topuğuna zərbə endirib. Bu səbəbdən hakim ona birbaşa qırmızı vərəqə göstərib.

Beləliklə, Cekson Bundesliqada "Union"a qarşı martın 21-də və "Frayburq"a qarşı aprelin 4-də keçiriləcək oyunları buraxacaq.

Qeyd edək ki, o, cari mövsüm "Bavariya"nın heyətində bütün turnirlərdə 25 oyuna çıxıb, 7 qol vurub və 3 məhsuldar ötürmə edib.

Oxşar xəbərlər

"Çelsi"nin hücumçusu klublararası dünya çempionatında 2 oyunluq diskvalifikasiya edilib

AFFA hakimi təhqir edən baş məşqçini 5 oyunluq diskvalifikasiya edib

"Çelsi"nin hücumçusu İngiltərənin başqa klubuna keçə bilər

“Bavariya” 11-ci dəfə futbol üzrə Almaniya Superkubokunu qazanıb

AFFA iki futbolçunu 4, bir məşqçini 5 oyunluq cəzalandırıb