"Leyptsiq" Türkiyə klubunun hücumçusunu transfer edib

Almaniyanın "Leyptsiq" klubu "Göztəpə"nin (Türkiyə) hücumçusu Romulonun transferini açıqlayıb.

"Sizinxeber.az" xəbər verir ki, 23 yaşlı braziliyalı ilə 2030-cu ilin yayına qədər müqavilə imzalanıb.

"Transfermarkt" anlaşmanı 20 milyon avro qiymətləndirib.

Qeyd edək ki, Romulo 2024/2025 mövsümündə 33 matçda 17 qol vurub və 10 məhsuldar ötürmə edib. O, 2024-cü ilin fevralında 2,5 milyon avroya “Atletiko Paranaense”dən (Braziliya) “Göztəpə”yə keçmişdi.