Azərbaycanı UEFA Çempionlar Liqasında təmsil edəcək qadınlardan ibarət “Neftçi” klubu Türkiyə millisinin üzvləri ilə müqavilə bağlamaq istəyir.

Bu barədə “Report”a paytaxt təmsilçisinin baş məşqçisi Siyasət Əsgərov məlumat verib.

O, dəvət olunan futbolçuların adlarının yaxın günlərdə açıqlanacağını bildirib:

“Adlarını hələ açıqlamaq istəmədiyim bəzi oyunçuları heyətə cəlb etmişik. Bəziləri ilə isə danışıqların son mərhələsindəyik. Yaxın günlərdə yeni transferlərlə bağlı açıqlama veriləcək. Türkiyədə çıxış edən futbolçuları dəvət etmişik. Müqavilə bağlamaq istədiyimiz oyunçular arasında Türkiyə yığmasının üzvləri də var”.

Qeyd edək ki, UEFA Çempionlar Liqasının I təsnifat mərhələsi yarımfinal və final matçlarından ibarət olacaq. "Neftçi" yarımfinalda Türkiyənin "Fomget" klubunu yenəcəyi təqdirdə, finalda İsrail təmsilçisi "Kiryat"la üz-üzə gələcək. Bu görüşdə qələbə qazanan tərəf isə II təsnifat mərhələsinə adlayacaq.

Qarşılaşmalar Albaniyanın paytaxtı Tiranada baş tutacaq.

Oxşar xəbərlər

"Neftçi"nin baş məşqçisi: "İsrail klubu oyunlarımızın Türkiyədə keçirilməsini istəmir"

"Neftçi" Azərbaycan millisinin ölkə xaricində çıxış edən futbolçuları ilə danışıq aparır

Çempionlar Liqası: "Neftçi"nin oyununun hansı ölkədə keçiriləcəyi dəqiqləşib

"Neftçi"nin baş məşqçisi: "Çempionlar Liqasındakı oyunumuz İsrail klubunun UEFA-ya müraciəti əsasında Albaniyada olacaq"

"Neftçi"nin baş məşqçisi: "Püşkatma zamanı Türkiyə klubunun adını görəndə həyəcanlandım"