Çexiya millisinin futbolçusu karyerasını İtaliya klubunda davam etdirəcək

Çexiyanın "Sparta" klubunun müdafiəçisi Martin Vitik karyerasını "Bolonya"da davam etdirəcək.

"Report" xəbər verir ki, bu barədə İtaliya təmsilçisinin mətbuat xidməti məlumat yayıb.

Çexiya millisinin də üzvü olan 22 yaşlı futbolçu "Sparta"nın yetirməsidir və bu komandada meydana çıxdığı 155 matçda 13 qol, üç məhsuldar ötürmə ilə yadda qalıb.

Qeyd edək ki, Çexiya yığmasının heyətində 5 matçda forma geyinən oyunçunun dəyəri 11 milyon avro qiymətləndirilir.