Azərbaycan cüdoçuları kata üzrə Avropa çempionatına hazırlıqlarını davam etdirirlər.

"Sizinxeber.az" xəbər verir ki, Milli komandaların Təlim-Məşq Mərkəzində keçirilən toplanışa 10 idmançı cəlb olunub.

Onlar mötəbər yarışa Türkiyə Cüdo Federasiyasının Təhsil direktoru, VI dan qara kəmər sahibi Mehmet Yılmazın rəhbərliyi altında hazırlaşırlar.

Avropa çempionatı 31 may – 1 iyun tarixlərində Latviyanın paytaxtı Riqada keçiriləcək. Qitə yarışında ölkəmizi “nage-no-kata” və “katame-no-kata” kata formaları üzrə 4 idmançı təmsil edəcək.

Cüdoçularımız turnirdən öncə, 28–30 may tarixlərində Riqada təşkil olunacaq Kodokan kata seminarı və imtahanında da iştirak edəcəklər.

Oxşar xəbərlər

Azərbaycan cüdoçuları dünya kata çempionatında iştirak edəcəklər

Avropa Kata Turnirində Azərbaycanı 6 cüdoçu təmsil edəcək

Azərbaycan cüdoçuları Avropa çempionatına son hazırlığı Macarıstanda keçəcəklər

Azərbaycan karateçiləri Avropa çempionatında iştirak edəcəklər