Azərbaycan fiqurlu konkisürəni Leyli Axundova Gürcüstanın Batumi şəhərində keçirilən Bakuriani-2025 Avropa Gənclər Qış Olimpiya Festivalında çıxışını başa vurub.

"Report" xəbər verir ki, ötən gün qısa proqramda 33.84 xalla 28-ci olan idmançı bu gün sərbəst proqramda mübarizə aparıb.

Onun çıxışı hakimlər tərəfindən 64.50 xalla qiymətləndirilib. O, bu nəticə ilə 26-cı yeri tutub.

Beləliklə, idmançı festivalı 31 iştirakçı arasında 28-ci pillədə başa vurub.

Yarışı Milli Olimpiya Komitəsinin (MOK) baş katibi Azər Əliyev, Azərbaycanın Gürcüstandakı fövqəladə və səlahiyyətli səfiri Faiq Quliyev, Azərbaycanın Batumi şəhərindəki baş konsulu Fuad Əzizov və Azərbaycanın Bakuriani-2025-dəki nümayəndə heyətinin rəhbəri, MOK-un beynəlxalq əlaqələr idarəsinin müdiri Anar Bağırov da izləyiblər.

Qeyd edək ki, 48 ölkədən 1000-ə yaxın idmançının iştirak etdiyi festivalda atletlər 8 idman növündə (dağ xizəyi, biatlon, xizək yarışı, hokkey, snoubord, fiqurlu konkisürmə, fristayl və qısa yolda sürətli konkisürmə) mübarizə aparırlar.

Avropa Gənclər Qış Olimpiya Festivalına fevralın 16-da yekun vurulacaq.

Oxşar xəbərlər

Azərbaycanlı fiqurlu konkisürən Avropa Gənclər Qış Olimpiya Festivalındakı çıxışlarını başa vurub

Azərbaycanın fiqurlu konkisürəni beynəlxalq turnirdə beşinci yeri tutub

Azərbaycan fiqurlu konkisürəni Macarıstanda beynəlxalq yarışda iştirak edib