Şahmat üzrə Azərbaycan çempionatının 1/4 final mərhələsində cavab oyunları bu gün keçiriləcək.

"Sizinxeber.az"un məlumatına görə, kişilərin yarışında Şəhriyar Məmmədyarov Məhəmməd Muradlı ilə, Teymur Rəcəbov Vüqar Əsədli ilə üz-üzə gələcəklər.

Ş.Məmmədyarov raundun ilk görüşündə qalib gəlib - 1:0. T.Rəcəbov isə heç-heçə edib - 0,5:0,5. Misrətdin İskəndərov - Aydın Süleymanlı və Rauf Məmmədov - Əhməd Əhmədzadə duelləri də bərabərliklə yekunlaşıb - 0,5:0,5.

Qadınlarda Ülviyyə Fətəliyeva Zeynəb Məmmədyarovanı, Türkan Məmmədyarova Gövhər Beydullayevanı məğlub edib - 1:0. Günay Məmmədzadə - Səbinə İbrahimova və Gülnar Məmmədova - Xanım Balacayeva qarşılaşmalarında qalib müəyyənləşməyib - 0,5:0,5.

Azərbaycan çempionatı
1/4 final mərhələsi, cavab oyunları

Kişilər
Məhəmməd Muradlı - Şəhriyar Məmmədyarov (0:1)
Aydın Süleymanlı - Misrətdin İskəndərov (0,5:0,5)
Əhməd Əhmədzadə - Rauf Məmmədov (0,5:0,5)
Teymur Rəcəbov - Vüqar Əsədli (0,5:0,5)

Qadınlar
Səbinə İbrahimova - Günay Məmmədzadə (0,5:0,5)
Xanım Balacayeva - Gülnar Məmmədova (0,5:0,5)
Zeynəb Məmmədyarova - Ülviyyə Fətəliyeva (0:1)
Gövhər Beydullayeva - Türkan Məmmədyarova (0:1)

Qeyd edək ki, kişilərin yarışında mükafat fondu 60 min, qadınlarda isə 30 min manat təşkil edir.

Oxşar xəbərlər

Şahmat üzrə Azərbaycan çempionatında ilk 1/4 finalçılar müəyyənləşib

Ümumdünya Şahmat Olimpiadası: Azərbaycan şahmatçısı yarışa qələbə ilə başlayıb

Şuşada şahmat üzrə Vüqar Həşimov Memorialında ikinci oyun günü başa çatıb

Şəhriyar Məmmədyarov ilin son reytinqində 16-cı, Teymur Rəcəbov 33-cü pillədə qərarlaşıb

Ümumdünya Şahmat Olimpiadası: Azərbaycan milliləri mübarizəyə başlayır