Azərbaycan millisinin üzvü Hidayət Heydərov Beynəlxalq Cüdo Federasiyası tərəfindən “İlin kişi cüdoçusu” adına layiq görülüb.

Bu barədə "Report"a Azərbaycan Cüdo Federasiyasının Mətbuat xidmətindən məlumat verilib.

Hidayət Heydərov sevincini bu sözlərlə ifadə edib:

“Hər kəsi salamlayıram. Bu mükafata layiq görüldüyüm üçün çox xoşbəxtəm. Mükafat təkcə mənim deyil, bütün Azərbaycan xalqının mükafatıdır. Mənim arxamda böyük bir komanda durur. Azərbaycan Cüdo Federasiyasına, ailəmə, sevənlərimə təşəkkür edirəm”.

Qeyd edək ki, H.Heydərov 2024-cü ildə 73 kq çəki dərəcəsində Olimpiya, dünya və Avropa çempionu olub.

Azərbaycan millisinin baş məşqçisi Riçard Trautman isə Beynəlxalq Cüdo Federasiyası tərəfindən "Ən yaxşı kişi komanda məşqçisi" adına layiq görülüb. O, bununla bağlı hamıya təşəkkür edib:

“Möhtəşəm komandamıza dərin təşəkkürümü bildirirəm! Belə əzmkar atletlər, peşəkar məşqçilər və inanılmaz bir komanda ilə çalışmaq mənim üçün böyük şərəf idi. Mən tək yox, biz hamımız birlikdə tarix yazdıq. Hər birinizə minnətdaram”.

Oxşar xəbərlər

Hidayət Heydərov və millinin baş məşqçisi Beynəlxalq Cüdo Federasiyasının sorğusunda liderlər sırasındadır

Gənclər və İdman Nazirliyi müxtəlif nominasiyalar üzrə 2024-cü ilin ən yaxşılarını açıqlayıb

Azərbaycan millisinin futbolçusu Avropanın ən yaxşı yarımmüdafiəçisi adına layiq görülüb