Azərbaycanın güləş milliləri Bakıda təlim-məşq toplanışı keçirlər.

Güləş Federasiyasının mətbuat xidmətindən "Report"a verilən məlumata görə, qadınlardan ibarət yığma sentyabrın 30-dan hazırlıq prosesinə start verib.

Toplanış oktyabrın 21-dək davam edəcək.

Yunan-Roma güləşi üzrə milli isə oktyabrın 7-də bir araya gəlib. Bu komandanın toplanışı 20 gün davam edəcək.

Sərbəst güləşçilər isə sabahdan hazırlıq prosesinə başlayacaqlar.

Böyüklərdən ibarət komandalar məşqlərini Azərbaycan Güləş Federasiyasının təlim-məşq bazasında keçirlər. Taktiki-texniki çalışmalara üstünlük verilən toplanış U-23 dünya çempionatına (21-27 oktyabr) və böyüklərin dünya çempionatına (28-31 oktyabr) hazırlıq xarakteri daşıyır.

Qeyd edək ki, hər iki yarış Albaniyanın paytaxtı Tiranada keçiriləcək.

Oxşar xəbərlər

Azərbaycanın yunan-Roma güləşi millisi Vladiqafqazda toplanışa başlayıb

Azərbaycanın sərbəst güləşçiləri Belarusda təlim-məşq toplanışındadır

Azərbaycan cüdoçuları İspaniyada təlim-məşq toplanışında iştirak edib

Azərbaycanın parataekvondo millisi Qubada təlim-məşq toplanışı keçəcək

Azərbaycanın güləş üzrə U-17 və U-20 milliləri bu il Avropa və dünya çempionatlarında 9 medal qazanıb