Artıq yaşlanmışam, öz evimdə istirahətə çəkilmək istəyirəm.

Bunu "Report"a açıqlamasında Azərbaycanın qadınlardan ibarət 3x3 basketbol millisinin sabiq üzvü Mersedes Uolker deyib.

37 yaşlı idmançı yığmadan ayrılmaq qərarının asan olmadığını bildirib:

"Artıq yaşım çoxdur. Düşünürəm ki, təqaüdə çıxmağın vaxtıdır. Bir müddət sonra məşqçi kimi çalışmağı planlaşdırıram. Amma indi yox. Hələ ki, istirahət etmək istəyirəm".

Qeyd edək ki, M.Uolker 2015-ci ildən Azərbaycan yğmasının uğurları üçün çalışıb. O, 2017-ci ildə milli ilə İslam Həmrəyliyi Oyunlarının qalibi olub. Parisdə keçirilən Yay Olimpiya Oyunlarında Azərbaycanın heyətində yer alıb.

Oxşar xəbərlər

Azərbaycan millisinin basketbolçusu karyerasını başa vurub

Azərbaycan millisinin sabiq üzvü Türkiyənin III Liqasında oynayacaq