Kişi boksçulardan ibarət Azərbaycan millisi dünya çempionatına hazırlığı Gürcüstanda davam etdirəcək.

Federasiyadan "Report"a verilən məlumata görə, yığma təlim-məşq toplanışının son mərhələsi üçün bu gün Qori şəhərinə yollanacaq.

Baş məşqçi Ravşan Xocayev, məşqçilər Nəriman Abdullayevlə Etibar Abdullayev heyətə Sübhan Mamedov (50 kq), Nicat Hüseynov (55 kq), Məhəmmədəli Qasımzadə (60 kq), Zaur Qəhrəmanov (65 kq), Sərxan Əliyev (70 kq), Səidcəmşid Cəfərov (75 kq), Murad Allahverdiyev (80 kq), Surət Qarayev (85 kq), Alfonso Dominqes (90 kq) və Məhəmməd Abdullayevi (+90 kq) cəlb ediblər.

Komanda Qoridə əsasən texniki-taktiki hazırlığa diqqət ayıracaq. Toplanış avqustun 29-da yekunlaşacaq.

Qeyd edək ki, dünya çempionatı sentyabrın 4-14-ü aralığında İngiltərənin Liverpul şəhərində keçiriləcək.

Oxşar xəbərlər

Azərbaycanın boks millisi dünya birinciliyinə hazırlığı Özbəkistanda davam etdirəcək

Azərbaycan boksçuları Astanada toplanış keçəcəklər

Azərbaycanın kişi boksçulardan ibarət millisi təlim-məşq toplanışına start verib

Azərbaycanın yeniyetmə oğlan və qızlardan ibarət boks millisi təlim-məşq toplanışına başlayıb

Azərbaycanın yunan-Roma güləşi millisi dünya çempionatına Türkiyədə hazırlaşır