Azərbaycanın gənc boksçulardan ibarət millisi Monteneqronun Budva şəhərində keçiriləcək dünya birinciliyinə hazırlığı Özbəkistanda davam etdirəcək.

Bu barədə "Sizinxeber.az"a Boks Federasiyasının mətbuat xidmətindən məlumat verilib.

Komanda Daşkənd vilayətinin Yanqiabad şəhərində ev sahibləri, Ukrayna, Tacikistan və Belarus millisi ilə təşkil olunacaq məşqlərə 13 boksçu ilə yollanıb.

Məşqçilər korpusu hazırlığa Bilalhəbaşi Nəzərov (48 kq), Zidan Hümbətov (51 kq), Ömər Aslanlı (54 kq), Tağı Nəsibov (57 kq), Məhəmmədəli Qasımzadə (60 kq), Əli Abdullayev (63,5 kq), Ziya Həsənov (71 kq), Abbasqulu Şadlinski (75), Lalə Mədətova (48 kq), Cəmilə Sultanlı (50 kq), Aynur Mikayılova (57 kq), Qızbəs İsgəndər (60 kq) və Emili Rzayevanı (63 kq) cəlb edib.

Bu gün başlayacaq toplanış oktyabrın 17-də yekunlaşacaq.

Qeyd edək ki, dünya çempionatı oktyabrın 22-dən noyabrın 3-dək keçiriləcək.

Oxşar xəbərlər

Azərbaycan boksçuları Rusiyada beynəlxalq turnirdə iştirak edəcək

Azərbaycan millisi bu gün dünya çempionatında ilk matçına çıxacaq

Boksçularımız Çitada beynəlxalq turnirdə mübarizə aparacaq

Azərbaycan millisi dünya çempionatındakı ilk matçında məğlub olub

Azərbaycanın U-23 millisi dünya çempionatına qatılacaq