Azərbaycanın kişi boksçulardan ibarət millisi təlim-məşq toplanışına start verib

Azərbaycanın kişi boksçulardan ibarət millisi yeni ilin ilk təlim-məşq toplanışına start verib.

"Report"un federasiyanın mətbuat xidmətinə istinadən məlumatına görə, Ravşan Xocayevin baş məşqçisi olduğu yığma hazırlığa Göygöldə başlayıb.

Yeni baş məşqçi toplanışa 36 boksçu cəlb edib. Göygöl Olimpiya İdman Kompleksində keçirilən məşqlərdə əsas diqqət ümumi fiziki hazırlığa yönələcək.

Qeyd edək ki, hazırlıq prosesi yanvarın 25-də yekunlaşacaq.