"Neftçi" futbol klubunun transfer etdiyi kamerunlu hücumçu Vensan Abubakar bir neçə gün öncə Bakıya gəlib. Məşhur futbolçunu Heydər Əliyev Beynəlxalq Hava Limanında "Neftçi"nin azarkeşləri coşqu ilə qarşılayıblar.

"Portu", "Ən-Nəsr", "Beşiktaş", "Hatayspor" kimi klublarda forma geyinən oyunçu "Neftçi"yə çempionluq üçün gəldiyini də qeyd edib. Maraqlıdır, görəsən, Abubakar bu mövsüm "Neftçi"yə nə dərəcədə faydalı olacaq?

İdman jurnalisti Xanoğlan İmanovun sözlərinə görə, Abubakar "Neftçi"nin gücünə güc qatacaq: "Komanda Abubakar kimi ulduz futbolçunu heyətinə qatdı. Bu transfer barədə fikirlər müxtəlifdir: onu bəyənənlər də var, bəyənməyənlər də. Abubakarın kluba faydalı olub-olmadığını isə oyun meydanında görəcəyik".

Qeyd edək ki, sonuncu dəfə Türkiyə Superliqasında çıxış edən 33 yaşlı hücumçu "Hatayspor"un heyətində keçirdiyi 25 oyunda 7 qol və 2 məhsuldar ötürmə ilə diqqət çəkib.

Daha ətraflı Baku TV-nin videomaterialında:

Oxşar xəbərlər

"Beşiktaş" Vensan Abubakarla yollarını ayırıb

Ronaldunun çıxış etdiyi klub Bundesliqada forma geyinən futbolçunu transfer edə bilər

"Turan Tovuz" "Neftçi"dən ayrılan futbolçunu transfer edib

“Neftçi” Lüksemburq millisinin hücumçusunu transfer edib

Azərbaycan klubu 40 yaşlı basketbolçu transfer edib