Azərbaycan Respublikası Audiovizual Şurası İctimai Televiziya və Radio Yayımları Şirkətinin baş direktorunun səlahiyyət müddətinin bitməsi ilə əlaqədar olaraq bu vəzifəyə seçilmək üçün namizədlərin sənəd qəbulunu elan edir.

Bu barədə Sizinxeber.Az-a Audiovizual Şuradan məlumat verilib.

Bildirilib ki, İctimai Televiziya və Radio Yayımları Şirkətinin baş direktoru vəzifəsini tutmaq istəyən namizədlər sənədlərini 27 aprel saat 9.00-dan 8 may saat 18.00-dək Azərbaycan Respublikası Audiovizual Şurasına (ünvan: Bakı şəhəri, A.M. Şərifzadə küçəsi 315) təqdim etməlidirlər.

Qeyd olunmalıdır ki, İctimai Televiziya və Radio Yayımları Şirkətinin baş direktorunu sənədlərini təqdim etmiş namizədlər arasından səsvermə yolu ilə İctimai Televiziya və Radio Yayımları Şirkətinin Yayım Şurası seçir.

Xatırladaq ki, İctimai Televiziya və Radio Yayımları Şirkətinin (İTV) hazırkı baş direktoru Balakişi Qasımov 2022-ci ilin may ayında Yayım Şurası tərəfindən 4 il müddətinə bu vəzifəyə seçilmişdi. İTV-nin rəsmi strukturuna əsasən, o, şirkətin rəhbəri kimi fəaliyyət göstərirdi.

Oxşar xəbərlər

 "Səhiyyə TV"nin adı dəyişdirilib

İTV-nin baş direktoru vəzifəsinə sənəd qəbulu elan edilib

İctimai Televiziya cərimələnib

İTV-yə baş direktor vəzifəsinə namizədlərin sənəd qəbulu elan edilib