Leysan yağışları nəticəsində Bakı-Şamaxı-Yevlax yolunda yaranan çətinlik aradan qaldırılıb

Güclü yağan leysan yağışları Bakı-Şamaxı-Yevlax yolunda fəsadlar yaradıb.

Sizinxeber.az-nin Şirvan bürosuna DİN-in Mətbuat xidmətinin regional qrupundan bildirilib ki, güclü yağış səbəbindən gələn sel yolun 78-ci kilometrliyində avtomobillərin hərəkətində müəyyən maneə yaradıb.

Əraziyə polis və digər aidiyyəti qurumların əməkdaşları cəlb olunub.

Yol daş və qumdan təmizləndikdən sonra hərəkətin axını əvvəlki qaydada bərpa edilib.