Bakının müxtəlif rayonlarında, həmçinin Abşeron rayonunda yerləşən 11 mağazadan ödəmə terminallarını sındırmaqla ümumilikdə 38 min 943 manat oğurlanıb.

"Sizinxeber.az" xəbər verir ki, bu barədə Daxili İşlər Nazirliyi (DİN) məlumat yayıb.

Bildirilib ki, Abşeron rayonu ərazisində yerləşən marketlərin birindən və orada olan ödəmə terminalından 3 567 manat oğurlanıb.

Abşeron Rayon Polis İdarəsi əməkdaşlarının keçirdikləri tədbirlərlə əməli törətməkdə şübhəli bilinən 31 yaşlı Yusif Hüseynov, 27 yaşlı Elvin Əhmədov və 34 yaşlı Emin Yusifov müəyyən olunaraq saxlanılıblar.

Aparılan araşdırmalarla məlum olub ki, saxlanılan şəxslər paytaxtın müxtəlif rayonlarında, həmçinin Abşeron rayonunda yerləşən 11 mağazadan ödəmə terminallarını sındırmaqla ümumilikdə 38 min 943 manat oğurlayıblar.

Onların törətdikləri oğurluqlar təhlükəsizlik kameraları vasitəsilə də lentə alınıb.

Araşdırmalar davam etdirilir.

Oxşar xəbərlər

Ödəmə terminallarından silsilə oğurluqlar edən şəxslər saxlanılıb - VİDEO

Qaradağda dəyəri 11 min manata yaxın olan naqili oğurlamaqda şübhəli bilinən şəxslər saxlanılıb

Bakıda 62 yaşlı qadın mağazadan qızıl oğurlamaqda şübhəli bilinir

Bakıda marketlərdən 50 min manat dəyərində oğurluq edən şəxslər saxlanılıb

Bakıda 20 min manatlıq oğurluq etməkdə şübhəli bilinən şəxslər saxlanılıb