Göygöldə avtomobillə mikroavtobus toqquşub, xəsarət alanlar var - FOTO - YENİLƏNİB

Göygöldə minik avtomobili ilə mikroavtobusun toqquşması nəticəsində xəsarət alanlar olub.

APA-nın yerli bürosunun məlumatına görə, xəsarət alanlar 1999-cü il təvəllüdlü Seymur Pənahov, 1962-ci il təvəllüdlü Namiq İsayev və 2005-ci il təvəllüdlü Ətlas İsmayılovadır.

Qeyd edək ki qəzada xəsarət alanlar mikroavtobusun sərnişinləridir.

***

08.25

Göygöldə minik avtomobili ilə mikroavtobusun toqquşması nəticəsində yol-nəqliyyat hadisəsi baş verib.

APA-nın yerli bürosunun məlumatına görə, qəza rayon ərazisində qeydə alınıb.

Hərəkətdə olan “Hyundai” markalı minik avtomobili ilə mikroavtobus toqquşub.

Zərbənin təsirindən mikroavtobus yoldan çıxaraq aşıb.

Hadisə yerinə Dövlət Yol Polisi əməkdaşları cəlb olunub. Faktla bağlı araşdırma aparılır.