Daxili İşlər Nazirliyi kibertalama halları ilə bağlı vətəndaşlara növbəti dəfə çağırış edib.

APA xəbər verir ki, bu barədə DİN-dən bildirilib.

Xəbərdarlıqda deyilir:

"Onlayn yolla vətəndaşların bank kartlarının talanması ilə bağlı kiberdələduzların son günlər yeni üsül və texnoloji yeniliklərdən istifadə etdikləri müşahidə edilir. Süni intellektin köməkliyi ilə yaxın qohumların danışıq tərzinə oxşar klonlaşdırılan səslər və elektron nömrələrdən edilən zənglərlə vətəndaşların kartlarının talanması ilə bağlı polisə məlumatlar daxil olmaqdadır.
Sizə edilən zəngdə qarşı tərəf özünü yaxın bir adamınız, ailə üzvünüz kimi təqdim edib kart məlumatlarınızı istəyirsə mütləq şəkildə dəqiqləşdirici suallar verilməlidir. Bu yolla siz qarşı tərəfdən gələn səsin süni intellekt vasitəsi ilə hazırlanıb-hazırlanmadığına əmin ola bilərsiniz.

Bir daha hər kəsə çağırış edərək bildiririk ki, bank kartı məlumatlarınızı dəqiqləşdirmə aparmadan heç kimlə bölüşməyin.
Kartınızın təhlükəsizliyi öz əlinizdədir!"

Oxşar xəbərlər

DİN kibertalama halları ilə bağlı vətəndaşlara çağırış edib

DİN süni intellektlə bağlı xəbərdarlıq edib

DİN dələduzluq halları ilə bağlı vətəndaşlara çağırış edib

DİN: Bank kart məlumatlarını vermək risklidir - MÜRACİƏT

DİN virtual "papaqatdı" ilə bağlı vətəndaşlara müraciət edib