Azadlıqdan məhrum olunan qubalı fermerin ailə üzvlərinin iddiaları əsassızdır.

Bu barədə Sizinxeber.az-ya DİN-in Mətbuat xidmətindən bildirilib.

Qeyd olunub ki, törətdiyi cinayət əməllərinə görə məhkəmə qərarı ilə 11 il 6 ay azadlıqdan məhrum olunan qubalı fermer kimi təqdim olunan Rəşid Məmmədovun cinayət işi üzrə ailə üzvlərinin iddiaları yayılıb.

İddialara cavab olaraq, DİN-in Mətbuat Xidmətindən bildirilib ki, Quba rayon sakini, əvvəllər xuliqanlıq, qəsdən sağlamlığa zərər vurma maddələri ilə məhkum edilən Rəşid Məmmədovun qanunsuz əməllərindən zərər çəkmiş vətəndaşlar tərəfindən daxil olan çoxsaylı şikayətlər əsasında DİN-in Baş Mütəşəkkil Cinayətkarlıqla Mübarizə İdarəsində cinayət işi başlanılaraq istintaq hərəkətləri aparılıb.

İstintaqla müəyyən olunub ki, 43 yaşlı R.Məmmədov müxtəlif vaxtlarda ayrı-ayrı vətəndaşların 68.000 manat, 34.000 manat, 10.000 manat, 11.900 manat, 13.090 manat, 23.800 manat və 7.500 manat məbləğində pul vəsaitlərini özlərinin və ya ailə üzvlərinin şəxsiyyətləri üzərində zor göstərəcəyi və ya əmlaklarını məhv edəcəyi ilə hədə-qorxu gəlməklə ələ keçirib. Onun qanunsuz əməlləri istintaqla təkzibolunmaz dəlillərlə sübuta yetirilib.

R.Məmmədova zərər çəkmiş şəxslərin pulunu hədə-qorxu ilə tələb etməsi faktları üzrə ittiham elan edilərək cinayət işinin istintaqı tamamlanaraq baxılması üçün Sumqayıt Ağır Cinayətlər Məhkəməsinə göndərilib.

Törətdiyi qanunsuz əməllərə görə məhkum edilən R.Məmmədovun ailə üzvlərinin həqiqətə uyğun olmayan iddiaları tam əsassızdır, barəsində olan ittihamlardan yayınmaq məqsədindən irəli gəlir, qərəzlidir, həqiqəti əks etdirmir.

Oxşar xəbərlər

“Tərtər işi” ilə bağlı ittiham olunan şəxslərə hökm oxunub [xfgiven_updateblue][/xfgiven_updateblue]

Afiyəddin Məmmədova cəza istənilib [xfgiven_updateblue][/xfgiven_updateblue]

Sahibkarları şantaj edən sayt rəhbərləri 73 fakt üzrə həbs edilib [xfgiven_updateblue][/xfgiven_updateblue]

Cinayət yolu ilə əldə edilmiş əmlakı leqallaşdırmaqda ittiham olunan şəxsə hökm oxunub [xfgiven_updateblue][/xfgiven_updateblue]

Paytaxtda tıxaca səbəb olan şəxs həbs edilib [xfgiven_updateblue][/xfgiven_updateblue]