Ana Vətən Partiyasının (AVP) sədri, sabiq deputat Fəzail Ağamalı, övladları - deputat Günay Ağamalı, Elçin Ağamalı, Yalçın Ağamalı və nəvələri Samirə Ağamalı, Kamran Ağamalı, Orxan Ağamalıya qarşı kommersiya iddiası üzrə məhkəmə prosesi keçirilib.

APA xəbər verir ki, bu gün Bakı Kommersiya Məhkəməsində hakim Ülkər Həsənovanın sədrliyi ilə keçirilən prosesdə qərar qəbul olunub.

Məlumata görə, iddiaçı tərəf - "Aqrarkredit" Qapalı Səhmdar Cəmiyyəti (QSC) ərizəsini geri götürüb. Məhkəmə iddia ərizəsinin geri qaytarılması barədə qərar çıxarıb.

"Aqrarkredit" QSC-nin iddia ərizəsində Fəzail Ağamalı və övladları ilə yanaşı, "Agricola" şirkəti və İmanova Suğra Sevindik qızı cavabdeh qismində tanınıb.

Götürülmüş kreditin hissə-hissə ödənilməsi ilə bağlı razılıq əldə olunduğu bildirilir.

Oxşar xəbərlər

Yarım milyard manatlıq kibercinayətkarlıqla əlaqədar mütəşəkkil dəstənin məhkəməsində şahidlər dindirilib

Xalq artisti Ağadadaş Ağayevin klinikaya qarşı mülki iddiası üzrə məhkəmə keçirilib

Yarım milyard manatlıq kibercinayətkarlıqda ittiham olunan dəstə üzvlərindən biri ilə bağlı tibbi ekspertiza təyin olunub

Bakıda avtobus qırmızı işıqda keçərək zəncirvari qəza törədib, iki nəfər ölüb