Liftlərin təmiri və quraşdırılması üçün ayrılmış iki milyon manata yaxın pulu mənimsəməkdə təqsirləndirilən “Bakılift-2” İxtisaslaşdırılmış İstehsalat İdarəsinin sabiq rəisi Ruslan Dilanovun cinayət işi üzrə qərar verilib.

“Sizinxeber.az” xəbər verir ki, Ali Məhkəmədə Bakı Apellyasiya Məhkəməsinin onun barəsində olan qərarından verilən şikayətə baxılıb.

Qərara əsasən, şikayət təmin edilməyib.

Qeyd edək ki, onun barəsində 2019-cu ildə cinayət işi başlanıb. İttihama görə, Ruslan Dilanov dövlət büdcəsindən binalarda 71 ədəd liftin yenidən quraşdırılması və əsaslı təmiri üçün ayrılan vəsaitin təxminən 1 milyon 835 min manatını mənimsəyib.

Həmçinin dövlətin vəsaiti ilə alınan 426 min manatlıq material-avadanlıqların təyinatı üzrə istifadə olunmamasında ittiham edilib.

Bakı Ağır Cinayətlər Məhkəməsi 2021-ci ildə sabiq rəisin barəsində bəraət hökmü çıxarıb.

Daha sonra Bakı Apellyasiya Məhkəməsi dövlət ittihamçısının R.Dilanov barəsində olan protestini təmin edib. Məhkəmənin qərarı ilə bəraətverici hökm ləğv edilib və sınaq müddəti seçilməklə ona şərti cəza verilib.

Oxşar xəbərlər

Bir milyon manatdan çox dələduzluqla bağlı məhkəmədə bəraət alan şəxslə bağlı protest verilib

Məhkəmə yarım milyon manata yaxın mənimsəmədə təqsirləndirilən bankın sabiq vəzifəli şəxsi barədə qərar verib

Bir milyon manatdan çox dələduzluqla əlaqədar məhkəmədə bəraət alan şəxslə bağlı protest verilib

Rüşvətə görə həbs olunan Psixiatriya Xəstəxanasının sabiq şöbə müdiri barədə qərar verilib

124 min manatlıq dələduzluq işində bəraət alan şəxsin hökmü ləğv edilib, məhkəmə zalından həbs olunub