Naxçıvanda piyadanın vurulması ilə nəticələnən yol-nəqliyyat hadisəsi baş verib.

APA-nın Naxçıvan bürosu xəbər verir ki, hadisə şəhərin Heydər Əliyev prospektində qeydə alınıb.

Belə ki, "Audi" markalı avtomobil arxadan piyada zolağından keçən şəxsə yol vermək üçün dayanan "Hyundai" markalı avtomobilə çırpılıb.

Qəza nəticəsində "Hyundai" markalı avtomobil piyada zolağından keçən Türkiyə Cümhuriyyəti vətəndaşı, 1995-ci il təvəllüdlü Başaran Duyqu Nihat qızını vurub.

O, Naxçıvan Muxtar Respublika Xəstəxanasına aparılıb, vəziyyəti orta-ağırdır.

Hadisə yerinə polis əməkdaşları gəlib, faktla bağlı araşdırma aparılır.

Oxşar xəbərlər

Naxçıvanda avtomobil 15 yaşlı piyadanı vurub

Naxçıvanda yol-nəqliyyat hadisəsi zamanı 17 yaşlı qız xəsarət alıb - FOTO

Naxçıvanda ağır qəza baş verib, xəsarət alan var

Naxçıvanda iki maşın toqquşub, xəsarət alan var