Biləsuvarda (10 saylı qəsəbədə) qonşusu olan keçmiş polis əməkdaşını qətlə yetirməkdə ittiham olunan şəxsin apellyasiya şikayəti üzrə məhkəmə prosesi keçirilib.

APA-nın Mil-Muğan bürosunun məlumatına görə, Şirvan Apellyasiya Məhkəməsində hakim Yaşar Həşimovun sədrliyi ilə keçirilən prosesdə Fəxrəddin Əli oğlu Həsənovun apellyasiya şikayəti üzrə qərar elan olunub. Məhkəmə şikayəti təmin etməyib, birinci instansiya məhkəməsinin qərarı qüvvədə saxlanılıb.

Qeyd edək ki, Lənkəran Ağır Cinayətlər Məhkəməsinin hökmü ilə Fəxrəddin Əli oğlu Həsənov Cinayət Məcəlləsinin 120.2.2 maddəsi ilə ittiham olunaraq 19 il müddətinə azadlıqdan məhrum edilib.

Qətl hadisəsi 2023-cü il iyulun 18-də Cəbrayıl rayon sakinləri olan keçmiş məcburi köçkünlər üçün Biləsuvar rayonu ərazisində salınmış 10 saylı qəsəbədə yerləşən iaşə obyektlərindən birində baş verib. Cəbrayıl sakini, 1970-ci il təvəllüdlü Fəxrəddin Əli oğlu Həsənov şəxsi münasibətlər zəminində həmyerlisi, qonşusu 1983-cü il təvəllüdlü Bayram Oruc oğlu Bayramovu kəsici alətlə qətlə yetirib.

B.Bayramov polis nəfəri kimi əvvəllər polis orqanında xidmət edib, öz arzusu ilə polis orqanlarından xaric edilib.

Oxşar xəbərlər

“Tərtər işi” ilə bağlı ittiham olunan bir qrup hərbçinin apellyasiya şikayəti təmin olunmayıb

Şəmkirin keçmiş icra başçısı Alimpaşa Məmmədovun şikayəti üzrə məhkəmə başlayıb

“Tərtər işi” ilə bağlı həbs edilən daha bir neçə nəfərin apellyasiya şikayəti üzrə məhkəmə başlayır