Sabirabad rayonu ərazisində avqustun 26-da 1975-ci il təvəllüdlü Rəna İmanovanın öldürülməsi ilə bağlı cinayət işi açılıb.

Bu barədə "Sizinxeber.az"a Sabirabad Rayon Prokurorluğundan məlumat verilib.

Bildirilib ki, araşdırma zamanı 2007-ci il təvəllüdlü Ramal Qurbanlının tanışı Rəna İmanovaya bıçaqla çoxsaylı xəsarətlər yetirməklə qəsdən öldürməsinə əsaslı şübhələr müəyyən edilib.

"Faktla bağlı Sabirabad rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq istintaq aparılır. Ramal Qurbanlı iş üzrə şübhəli şəxs qismində tutulub. İbtidai istintaq davam edir",- məlumatda qeyd olunub.

Sabirabad rayonunda qadın qətlə yetirilib, hadisəni törətməkdə şübhəli bilinən 17 yaşlı oğlan saxlanılıb.

Bu barədə "Sizinxeber.az"a Daxili İşlər Nazirliyinin (DİN) Mətbuat Xidmətinin Şirvan regional qrupundan məlumat verilib.

Bildirilib ki, avqustun 26-da saat 15 radələrində Sabirabad rayonu ərazisindəki evlərin birində 1975-ci il təvəllüdlü İmanova Rəna Rafiq qızının kəsici alətlə qətlə yetirilməsi barədə polisə məlumat daxil olub.

"Cinayət əməlini törətməkdə şübhəli bilinən 2007-ci il təvəllüdlü Qurbanlı Ramal Raiz oğlu polis əməkdaşları tərəfindən keçirilən tədbirlərlə saxlanılıb. İlkin məlumata görə cinayət əməli tamah məqsədi ilə törədilib. Araşdırma aparılır", - məlumatda qeyd olunub.

Oxşar xəbərlər

Sabirabadda qadın qətlə yetirilib [xfgiven_updateblue][/xfgiven_updateblue]

Göyçayda 26 yaşlı kişi qətlə yetirilib, cinayət işi başlanılıb - YENİLƏNİB [xfgiven_updateblue][/xfgiven_updateblue]

Siyəzəndə 28 yaşlı qadının qətli ilə bağlı cinayət işi başlanıb - YENİLƏNİB [xfgiven_updateblue][/xfgiven_updateblue]

Mingəçevirdə 45 yaşlı qadın qətlə yetirilib, oğlu saxlanılıb - YENİLƏNİB [xfgiven_updateblue][/xfgiven_updateblue]

Bakıda 51 yaşlı kişinin qətli ilə bağlı cinayət işi açılıb - YENİLƏNİB [xfgiven_updateblue][/xfgiven_updateblue]