Göyçayda adam öldürməkdə şübhəli bilinən şəxs tutulub

Göyçay rayon Prokurorluğundan "Report"a bildirilib ki, avqustun 15-də saat 04 radələrində Göyçay rayonu ərazisində 1998-ci il təvəllüdlü Hüseyn Feyzullayevin öldürülməsi barədə rayon prokurorluğuna məlumat daxil olub.

"Araşdırmalarla 2007-ci il təvəllüdlü Səid Bayramlının aralarında yaranmış mübahisə zamanı kəsici-deşici alətlə çoxsaylı xəsarətlər yetirərək Hüseyn Feyzullayevi qəsdən öldürməsinə əsaslı şübhələr müəyyən edilib.

Faktla bağlı Göyçay rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq ibtidai istintaq aparılır. Səid Bayramlı iş üzrə şübhəli şəxs qismində tutulub".

Avqustun 15-də saat 3 radələrində Göyçay şəhərində 1998-ci il təvəllüdlü Feyzullayev Hüseyn Famil oğlunun kəsilmiş-deşilmiş xəsarətlərdən xəstəxanada ölməsi barədə polisə məlumat daxil olub.

Bu barədə “Report”a DİN-in Mətbuat Xidmətinin regional qrupundan bildirilib.

Polis əməkdaşlarının keçirdikləri tədbirlərlə cinayət əməlini törətməkdə şübhəli bilinən 2007-ci il təvəllüdlü şəxs saxlanılıb.

İlkin məlumata görə, hadisə şəxsi münasibətlər zəminində baş verib.

Araşdırma aparılır.

Oxşar xəbərlər

Göyçayda 17 yaşlı şəxs 26 yaşlı kişini öldürməkdə şübhəli bilinərək tutulub - YENİLƏNİB [xfgiven_updateblue][/xfgiven_updateblue]

Bakıda 51 yaşlı kişinin qətli ilə bağlı cinayət işi açılıb - YENİLƏNİB [xfgiven_updateblue][/xfgiven_updateblue]

Göyçayda 26 yaşlı kişi qətlə yetirilib, 17 yaşlı gənc saxlanılıb   [xfgiven_updateblue][/xfgiven_updateblue]

Qobuda qonşusunu öldürməkdə şübhəli bilnən şəxs saxlanılıb [xfgiven_updateblue][/xfgiven_updateblue]

Qəsdən adam öldürməyə cəhd etməkdə şübhəli bilinən şəxs tutulub [xfgiven_updateblue][/xfgiven_updateblue]