Sumqayıt şəhərində yanğın hadisəsi baş verib.

“Report”un yerli bürosu məlumat verir ki, hadisə Azərbaycan prospektində yerləşən mebel fabrikinə məxsus süngər anbarında qeydə alınıb.

Məlumata görə, anbarda baş verən yanğın nəticəsində obyekt tamamilə yanıb.

Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin canlı qüvvəsi və texnikası cəlb olunub.

Süngərlərin alovlanma sürəti səbəbilə alov qısa müddətdə bütün anbarı bürüyüb. Yanğın söndürülüb və ətraf ərazilərə keçməsinin qarşısı alınıb.

Yanğının səbəbləri araşdırılır. Faktla bağlı müvafiq qurumlar tərəfindən təhqiqat aparılır.

Oxşar xəbərlər

Sumqayıtda müəssisə ərazisində baş verən yanğın söndürülüb - YENİLƏNİB

Sumqayıtda yataqxanada yanğın olub - YENİLƏNİB

FHN: Gəncədə mebel sexindəki yanğın söndürülüb, xəsarət alan yoxdur - YENİLƏNİB-2

Sumqayıtda "Daewoo" avtomobili təmirdən sonra yanıb

Sumqayıtda restoranda baş verən yanğın söndürülüb - YENİLƏNİB