Türkmənistanın Dövlət Konserni Azərbaycan şirkətinə təşəkkür edib

Azərbaycanın “Black Caspian Logistics and Trading” şirkəti bu ilin aprelində Kuala-Lumpurda (Malayziya) keçirilən Türkmənistanın Beynəlxalq İnvestisiya Forumunda fəal iştirakına görə təşəkkürə layiq görülüb.

"Report" xəbər verir ki, Türkmənistanın dövlət naziri, "Türkmənqaz" dövlət konserninin sədri Maksat Babayev tərəfindən "Black Caspian Logistics and Trading" şirkətinin sədr müavini Rifat Sultanzadəyə çıxışına və Türkmənistanda keçirilən tədbirlərdə daimi iştirakına görə təşəkkür məktubu göndərilib.