Azərbaycan ilə Belarus arasında birgə istehsal müəssisələrinin yaradılması imkanları müzakirə edilib

Azərbaycanın iqtisadiyyat naziri Mikayıl Cabbarov Belarusun xarici işlər nazirinin müavini İqor Nazaruk ilə keçirdiyi görüşdə birgə istehsal müəssisələrinin yaradılması imkanlarını müzakirə edib.

"Sizinxeber.az" xəbər verir ki, bununla bağlı iqtisadiyyat naziri "X" sosial şəbəkəsindəki hesabında paylaşım edib.

"Azərbaycan-Belarus əlaqələrinin gücləndirilməsi istiqamətində imzalanmış sənədlərin icrasını, ticarət, investisiya, aqrar-sənaye sahələrində əməkdaşlığın genişləndirilməsini müzakirə etdik", - M. Cabbarov qeyd edib.

Belarusun xarici işlər nazirinin müavini İqor Nazaruk ilə görüşdük. #Azərbaycan - #Belarus əlaqələrinin gücləndirilməsi istiqamətində imzalanmış sənədlərin icrasını, #ticarət, #investisiya, aqrar-sənaye sahələrində əməkdaşlığın genişləndirilməsini və birgə istehsal… pic.twitter.com/6xFJJy0g0R

— Mikayil Jabbarov (@MikayilJabbarov) September 3, 2024