Mərkəzi Seçki Komissiyası qarşıdan gələn Milli Məclisə növbədənkənar seçkilərlə əlaqədar genişmiqyaslı maarifləndirmə proqramı çərçivəsində avqustun 21-dən etibarən növbəti layihəyə – dairə seçki komissiyalarının informasiya texnologiyaları üzrə mütəxəssisləri üçün praktiki seminarlara başlayıb.

Mərkəzi Seçki Komissiyası Katibliyinin Media və kommunikasiya şöbəsindən Sizinxeber.az-ya verilən xəbərə görə, layihənin əsas hədəfi seçki günü məlumatlarının operativ şəkildə ictimailəşdirilməsi və beləliklə aşkarlığın və şəffaflığın həmin gün də yüksək səviyyədə təmin edilməsidir.

Seminarlar çərçivəsində dairə seçki komissiyalarının informasiya texnologiyaları üzrə mütəxəssisləri Dövlət Avtomatlaşdırılmış İnformasiya Sisteminin (DAİS) ümumi fəaliyyəti və yenilənərək daha da təkmilləşdirilən imkanları barədə ətraflı məlumatlandırılır, DAİS üzərindən tətbiq olunan proqram təminatlarından birbaşa və praktiki istifadə təmin edilir, eləcə də yaranan suallara yerindəcə əyani şəkildə aydınlıq gətirilir.

İnformasiya texnologiyaları üzrə mütəxəssislərə xüsusi proqram modullarından praktiki məşğələlərlə test rejimində işləməyə də şərait yaradılır ki, bu da Milli Məclisə seçkilər günü həm seçicilərin fəallığı, həm də səsvermənin nəticələrinə dair protokol məlumatlarının Mərkəzi Seçki Komissiyasına ötürülməsi üçün proqram təminatlarını dərindən mənimsəmələrinə imkan verir.

Dairə seçki komissiyalarının informasiya texnologiyaları üzrə mütəxəssislərinin bilik, bacarıq və işgüzar vərdişlərinin gücləndirilməsində mühüm rolu olan praktiki seminarların avqustun 23-dək davam etməsi nəzərdə tutulur.

Oxşar xəbərlər

Milli Məclisə seçkilərlə əlaqədar MSK və DİN birgə layihəyə start verib [xfgiven_updateblue][/xfgiven_updateblue]

Milli Məclisə seçkilərlə əlaqədar “Polis əməkdaşları üçün yaddaş kitabçası” hazırlanıb [xfgiven_updateblue][/xfgiven_updateblue]

Bu gün Mərkəzi Seçki Komissiyasının növbəti iclası keçirilib [xfgiven_updateblue][/xfgiven_updateblue]

Məzahir Pənahov MDB nümayəndə heyəti ilə görüşüb [xfgiven_updateblue][/xfgiven_updateblue]

MSK-nın parlament seçkiləri ilə əlaqədar maarifləndirici xarakterli tədbirləri açıqlanıb [xfgiven_updateblue][/xfgiven_updateblue]