TƏBİB tibb müəssisələrini isti hava şəraiti ilə əlaqədar mövsümü xarakter daşıyan ilan və digər zəhərli həşaratların dişləməsinə qarşı zərdabla təminatını həyata keçirib.

Bu barədə “Report”un sorğusuna cavab olaraq TƏBİB-in İctimaiyyətlə əlaqələr və kommunikasiya departamentinin rəhbəri Zamirə Ədilova məlumat verib.

O qeyd edib ki, respublikanın ayrı-ayrı regionlarında yerləşən mərkəzi rayon xəstəxanaları, eyni zamanda Bakıdakı bütün poliklinikalar zəruri tələbata uyğun olaraq zərdabla tam təmin olunub.

TƏBİB rəsmisi əlavə edib ki, ilan və həşərat sancmaları daha çox Mərkəzi Aran rayonları üçün xarakterikdir. Zərdab təminatı müəssissələrin təqdim etdiyi tələbnaməyə uyğun olaraq dövri şəkildə tam təhciz olunur. Zərdablar əsasən Mərkəzi Asiya ölkələrindən gətirilir. Bunun səbəbi həmin ölkələrin relyef-iqlim şəraiti, ilan və həşəratların növü bizim ölkə ilə uyğunluq təşkil edir".

Oxşar xəbərlər

Bu ilin ötən dövründə TƏBİB tabeli xəstəxanalarda 62 milyona yaxın tibbi xidmət göstərilib

Qaxda 20 yaşlı şəxsi ilan sancıb, vəziyyəti ağır-stabildir

Hacıqabul sakinini ilan sancıb

Ağdamda 32 yaşlı kişini ilan sancıb