DÇ-2026: 1/16 final mərhələsinin bütün cütləri müəyyənləşib

ABŞ, Kanada və Meksikanın birgə ev sahibliyi etdiyi futbol üzrə dünya çempionatının 1/16 final mərhələsinin bütün cütləri müəyyənləşib.

"Report" xəbər verir ki, bu raundda üz-üzə gələcək bütün komandaların adlarına J qrupunun matçlarından sonra aydınlıq gəlib.

Bununla da turnirin 1/16 final mərhələsinin bütün cütləri rəsmən bəlli olub.

Pley-off mərhələsində aşağıdakı qarşılaşmalar keçiriləcək:

Cənubi Afrika Respublikası – Kanada (28 iyun)

Almaniya – Paraqvay (29 iyun)

Braziliya – Yaponiya (29 iyun)

Niderland – Mərakeş (30 iyun)

Fildişi Sahili – Norveç (30 iyun)

Fransa – İsveç (1 iyul)

Belçika – Seneqal (1 iyul)

Meksika – Ekvador (1 iyul)

İngiltərə – Konqo Demokratik Respublikası (1 iyul)

İspaniya – Avstriya (2 iyul)

ABŞ – Bosniya və Herseqovina (2 iyul)

Portuqaliya – Xorvatiya (3 iyul)

Avstraliya – Misir (3 iyul)

İsveçrə – Əlcəzair (3 iyul)

Argentina – Kabo-Verde (4 iyul)

Kolumbiya – Qana (4 iyul)

Qeyd edək ki, tarixdə ilk dəfə 48 komandanın iştirak etdiyi dünya çempionatı 19 iyul tarixində başa çatacaq. Pley-off mərhələsinə hər qrupdan ilk iki yeri tutan komandalarla yanaşı, üçüncü yeri tutan ən yaxşı səkkiz yığma da vəsiqə qazanıb.