Bu günə qədər Bakı və regionlar daxil olmaqla “Ulduz-reytinq” layihəsi çərçivəsində Azərbaycan Qida Təhlükəsizliyi İnstitutuna (AQTİ) 101 sahibkar müraciət edib.

Bu barədə "Report"a AQTİ-dən məlumat verilib.

Qeyd olunub ki, müraciətlərdən 32 müəssisə müxtəlif reytinq təsnifatları ilə qiymətləndirilib, digər müraciətlərin qiymətləndirilməsi prosesi isə davam edir.

Bakı, Gəncə, Lənkəran bölgələri üzrə "Ulduz-reytinq" sertifikatı ilə qiymətləndirilən ictimai iaşə obyektləri üstünlük təşkil edir.

Qeyd edək ki, proses sahibkarların könüllü müraciətinə əsasən həyata keçirilir. Bunun üçün sahibkarlar [email protected] elektron poçtu vasitəsilə AQTİ-yə rəsmi müraciət etməlidirlər. Müraciət İnstituta daxil olduqdan sonra 30 gün müddətində ictimai iaşə obyektində yoxlama aparılır. 10 iş günü müddətində isə sahibkarlara nəticələr haqqında rəsmi bildiriş göndərilir. Nəticələrə uyğun olaraq ictimai iaşə obyektlərinə 1 il müddətinə müvafiq sertifikat verilir.

Oxşar xəbərlər

AQTA sədri ictimai iaşə xidmətləri sahəsində fəaliyyət göstərən sahibkarları qəbul edib

Bakıda ictimai iaşə müəssisəsinin fəaliyyəti məhdudlaşdırılıb

COP29 ərəfəsində ictimai iaşə obyektlərinin ekoloji dayanıqlılığının qiymətləndirilməsi yekunlaşıb

Bakıda ictimai iaşə obyektində saxta spirtli içkilər aşkarlanıb

Bakıda ictimai iaşə dövriyyəsinin dəyəri 8 % artıb