Bəhreyn İranın hücumuna məruz qaldığını açıqlayıb və BMT TŞ-nin təcili iclasını çağırıb

Bəhreynin Xarici İşlər Nazirliyi İranın krallığa raket və pilotsuz təyyarə hücumu etdiyini bildirib.

"Report"un məlumatına görə, bu barədə BNA agentliyi Xarici İşlər Nazirliyinin bəyanatına istinadən xəbər verib.

Xarici İşlər Nazirliyi bəyanatda 2817 saylı qətnamənin icrasını təmin etmək üçün öhdəliklərini yerinə yetirmək üçün BMT Təhlükəsizlik Şurasını təcili iclas keçirməyə çağırıb.