Ərdoğan: Füzulidən sonra Laçında hava limanının açılması böyük addımdır

Türkiyə Prezidenti Rəcəb Tayyib Ərdoğan Laçında beynəlxalq hava limanının açılmasının Azərbaycan üçün xeyirli olmasını diləyib.

“Sizinxeber.az”un Laçına ezam olunmuş əməkdaşı xəbər verir ki, Türkiyə Prezidenti jurnalistlərə açıqlamasında deyib:

“Yeni açılan Laçın Beynəlxalq Hava Limanın Azərbaycan üçün xeyirli olmasını diləyirəm. Füzulidən sonra Laçında hava limanının açılması böyük addımdır. Belə möhtəşəm bir işə şahid olmaq çox gözəldir. İşğaldan azad edilmiş ərazilərdə üçüncü hava limanı olaraq Laçın hava limanın inşası Azərbaycanı çox güclü mövqeyə qaldırdı”.