Azərbaycan ilə Gürcüstan arasında hərtərəfli əlaqələr yüksək səviyyədədir və onların inkişafında qarşılıqlı yüksək səviyyəli səfərlər mühüm rol oynayır.

"Sizinxeber.az" xəbər verir ki, bunu Gürcüstanın Azərbaycandakı səfiri Zurab Pataradze Heydər Əliyev Mərkəzində bu ölkənin Müstəqillik Gününə həsr olunmuş konsertdə deyib.

Səfir Gürcüstanın yüksək vəzifəli rəsmilərinin, o cümlədən dövlət və hökumət başçılarının bu yaxınlarda Azərbaycana səfərlərini, Milli Məclisin sədri Saqibə Qafarovanın bu ölkəyə səfərini məmnunluqla qeyd edib.

"İki ölkə arasında iqtisadiyyat və ticarət sahəsində də əlaqələr uğurla inkişaf edir. Biz bir çox mühüm müştərək layihələr həyata keçiririk. Mədəniyyət sahəsində də sıx əməkdaşlıq əlaqələri qurmuşuq. Bayram konsertimizin Heydər Əliyev Mərkəzində təşkil olunması xüsusi qürurvericidir. Gürcüstanın tanınmış mədəniyyət xadimləri bu səhnədə xüsusi konsert proqramı ilə çıxış edəcəklər", - Pataradze bildirib.

Səfir konsertin təşkilində göstərdikləri dəstəyə görə Azərbaycanın Mədəniyyət Nazirliyinə, Xarici İşlər Nazirliyinə və Heydər Əliyev Fonduna minnətdarlığını ifadə edib.

"Konsertdən sonra Heydər Əliyev Mərkəzi Gürcüstan bayrağının rəngləri ilə işıqlandırılacaq. Bununla bağlı Azərbaycan hökumətinə xüsusi təşəkkürümü bildirmək istəyirəm. Fürsətdən istifadə edərək, Azərbaycanı və bütün Azərbaycan xalqını 28 May - Müstəqillik Günü münasibətilə səmimi qəlbdən təbrik edir, onlara sülh və firavanlıq arzulayıram", - Pataradze yekunda vurğulayıb.

Oxşar xəbərlər

Gürcüstanın Müstəqillik Günü münasibətilə Bakıda qala konsert keçirilib [xfgiven_updateblue][/xfgiven_updateblue]

Gürcüstan səfiri Azərbaycan xalqını Müstəqillik Günü münasibətilə təbrik edib [xfgiven_updateblue][/xfgiven_updateblue]

Bakıda Gürcüstanın Müstəqillik Günü münasibətilə təntənəli tədbirlər keçiriləcək [xfgiven_updateblue][/xfgiven_updateblue]

Səfir: Gürcüstan XİN rəhbərinin Azərbaycana rəsmi səfəri əlaqələri daha da gücləndirəcək [xfgiven_updateblue][/xfgiven_updateblue]

Gürcüstanın mədəniyyət naziri: Azərbaycan regionda təhlükəsizliyin, sülhün və mehriban qonşuluğun rəmzidir [xfgiven_updateblue][/xfgiven_updateblue]