Azərbaycan və Pakistan arasında iqtisadi münasibətlər inkişaf edəcək.

APA xəbər verir ki, bunu Milli Məclisin Aqrar siyasət komitəsinin bu gün keçirilən iclasında “Azərbaycan Respublikası Hökuməti ilə Pakistan İslam Respublikası Hökuməti arasında bitki karantini və bitki mühafizəsi sahəsində əməkdaşlıq haqqında Saziş”in təsdiq edilməsi barədə” qanun layihəsinin müzakirəsi zamanı deputat Azər Badamov deyib.

Deputat bildirib ki, Azərbaycanla Pakistan arasında siyasi əlaqələr çox yüksək səviyyədə inkişaf edir, amma iqtisadi sahədə bunu demək mümkün deyildi: “Hər iki dövlətin rəhbərlərinin qarşılıqlı səfərləri nəticəsində imzalanmış sənədlər və bu sənədlərin hüquqi qüvvəyə minməsi iki ölkə arasında münasibətlərin inkişafına yeni nəfəs verəcək. Azərbaycan zəlzələ, sel və daşqınlar kimi təbii fəlakətlərin nəticələrinin aradan qaldırılması üçün hər zaman Pakistanın yanında olub. Pakistan yeganə ölkədir ki, Azərbaycan torpaqlarını işğal etdiyinə görə Ermənistanın müstəqilliyini bu gün də tanımır. Ölkə başçılarımızın qarşılıqlı səfərləri zamanı Pakistanla əlaqələrin inkişafı ilə bağlı 50-dən çox sənəd imzalanıb. Ticarət dövriyyəmiz münasibətlərimizin ruhuna uyğun deyil. İki ölkə arasında razılaşdırılmış sənədlərin hüquqi qüvvəyə minməsi ölkələrimiz arasında iqtisadi münasibətlərin də inkişafına töhfə verəcək”.

Oxşar xəbərlər

Azərbaycan və Pakistan bitki mühafizəsi sahəsində əməkdaşlıq edəcək

Azərbaycanla Pakistan arasında imzalanmış 3 saziş təsdiqlənib

Azərbaycan və Rusiya bitki karantini və mühafizəsi sahəsində əməkdaşlıq edəcək

Azərbaycanla Rusiya bitki karantini və mühafizəsi sahəsində əməkdaşlıq edəcək

Azərbaycan və Pakistan hökumətləri arasında elmi və texnoloji əməkdaşlıq haqqında Saziş təsdiq edilib