İtaliya səfiri Eldar Əzizovla Neapolla qardaşlaşma əlaqələrinin gücləndirilməsini müzakirə edib

İtaliyanın Azərbaycandakı səfiri Luka Di Canfrançesko və Bakı Şəhər İcra Hakimiyyətinin başçısı Eldar Əzizov İtalya regionları və şirkətləri ilə resursların idarə edilməsi sahəsində əməkdaşlıq perspektivlərini müzakirə ediblər.

“Report” İtaliyanın Azərbaycandakı səfirliyinin paylaşımına istinadən xəbər verir ki, görüş konstruktiv şəraitdə keçib.

"İtaliyanın Azərbaycandakı səfiri Luka Di Canfrançesko ilə Eldar Əzizov arasında konstruktiv görüş keçirilib. Görüş zamanı Neapolun 2500 illiyinin qeyd olunması kontekstində Bakı və Neapol arasında qardaşlaşma əlaqələrinin gücləndirilməsi məsələləri, həmçinin davamlı inkişaf və resurslardan səmərəli istifadə sahəsində İtaliya regionları və şirkətləri ilə əməkdaşlığın perspektivləri nəzərdən keçirilib", - məlumatda qeyd olunub.

Incontro proficuo con il Sindaco di Baku Eldar Azizov. Tra i temi trattati il rilancio del gemellaggio Baku-Napoli nell’ambito delle celebrazioni Neapolis 2500 e le potenzialità di collaborazione con Regioni e aziende italiane per la gestione delle risorse e della sostenibilità pic.twitter.com/Ol0WXYWrSf

— Italy in Baku (@ItalyinBaku) May 16, 2025