Ölkəmiz üçün vacib istiqamət 30 il işğal altında qalmış ərazilərimizin bərpası və yenidən qurulmasıdır.

Sizinxeber.az xəbər verir ki, bunu xarici işlər naziri Ceyhun Bayramov Avropa İttifaqının xarici işlər və təhlükəsizlik siyasəti üzrə ali nümayəndəsi, Avropa Komissiyasının vitse-prezidenti Kaya Kallasla birgə mətbuat konfransında deyib.

Nazir bildirib ki, bu gün həmkarına bu barədə geniş məlumat verib: “Prosesin tərkib hissəsi olan və ən böyük çətinlik yaradan mina problemidir. Bu istiqamətdə çox böyük resurslar sərf edirik. Ancaq problemin miqyası o qədər böyükdür ki, 5 il keçməsinə baxmayaraq, hələ uzun illər bu problemlə mübarizə aparmalı olacağıq. 2020-ci ilin noyabrından sonra 400-ə yaxın insan mina probleminin qurbanı olub. Bu istiqamətdə Azərbaycanla Avropa İttifaqı arasında əməkdaşlıq mövcuddur. Aİ ilə bu sahədə daha böyük layihələrin həyata keçirilməsi ölkəmizin marağındadır. Ümid edirəm ki, gələcək illərdə buna xüsusi diqqət yetiriləcək”.

Oxşar xəbərlər

Nazir: Aİ ilə minatəmizləmə üzrə daha böyük layihələrin həyata keçirilməsi marağımızdadır

Ceyhun Bayramov: Azərbaycan nəqliyyat sahəsində öz üzərinə düşən işi görür

Ceyhun Bayramov Kaya Kallasla Azərbaycan-Aİ münasibətlərini müzakirə edib

Azərbaycanın Ermənistandan gözləntiləri Kaya Kallasın diqqətinə çatdırılıb

Ceyhun Bayramov Aİ rəsmisi ilə Azərbaycan-Ermənistan normallaşmasını müzakirə edib