Naxçıvanda Türkiyənin Milli Suverenlik və Uşaq Bayramı qeyd edilib.

"Report"un yerli bürosu xəbər verir ki, Cəlil Məmmədquluzadə adına Naxçıvan Dövlət Milli Dram Teatrında 23 aprel Türkiyənin Milli Suverenlik və Uşaq Bayramı Günü münasibətilə tədbir keçirilib.

Türkiyənin Naxçıvan Muxtar Respublikasındakı Baş Konsulluğu, Naxçıvan Muxtar Respublikası Təhsil Nazirliyi və “Günəş” Uşaq Akademiyasının təşkilatçılığı, Naxçıvan Muxtar Respublikası Mədəniyyət Nazirliyinin dəstəyi ilə keçirilən tədbirdə əvvəlcə iki qardaş xalqın qəhrəman şəhidlərinin əziz xatirəsi bir dəqiqəlik sükutla yad edilib, dövlət himnləri səsləndirilib.

Sonra tədbirdə Türkiyənin Naxçıvandakı baş konsulu Asip Kaya, Naxçıvan Muxtar Respublikasının təhsil naziri Elxan Nəcəfov və “Günəş” akademiyasının direktoru Ulduz Əliyeva çıxış ediblər.

Tədbirdə uşaqlar əlamətdar günə həsr olunan şeirlər söyləyib, mahnılar oxuyub, rəqslər ediblər.

Oxşar xəbərlər

Naxçıvan Dövlət Milli Dram Teatrına direktor əvəzi təyin olunub

Naxçıvanda bir sıra tibb mərkəzləri “Tibb Müəssisələrinin İdarəetmə Birliyi” publik hüquqi şəxsinə təhvil verilib

Azərbaycanda yeni nazirlik yaradıldı

Naxçıvanda daha bir vəzifəli şəxs işdən çıxarıldı

Naxçıvan DİN-dən uşaq oğurluğu ilə bağlı məlumata reaksiya