"Ermənistanın Araza atdığı tullantılar nəticəsində çirklənən çaylardan biri də Oxçuçaydır. 27 il ərzində Ermənistanın ekoloji pozuculuq fəaliyyətinin təsiri özünü sözügedən çayın çirkləndirilməsində də göstərir".

Sizinxeber.az xəbər ki, bunu brifinqdə "Environmental Protection" QHT Koalisiyasının həmtəsisçisi Amin Məmmədov deyib.

O söyləyib ki, Ermənistanda faydalı qazıntı hasilatı sahəsində fəaliyyət göstərən xarici şirkətlər çoxsaylı çağırışlara rəğmən su hövzələrinin çirkləndirilməsi barədə hesabatlarını təqdim etməyiblər:

"Bu faktın özünə Ermənistandakı QHT-lər də etirazlarını bildiriblər. Lakin hökumət bu təşkilatların üzvlərini xalq düşməni elan edir. Biz bununla bağlı bir neçə dəfə etiraz bəyanatları səsləndirmişik. Biz Ermənistanı beynəlxalq mütəxəssislərin iştirakı ilə monitorinq keçirməyə çağırırıq".

O, həmtəsisçisi olduğu koalisiyanın Arazdəyəndə baş verən ekoloji fəlakətlə və metallurgiya zavodunun inşası ilə bağlı qarşı tərəfə etiraz məktubu ünvanladığını xatırladıb:

"Bundan sonra isə 2023-cü ildə koalisiyamız təsis olundu. 2024-cü ilin yayında Müqabil Bayramovun rəhbərliyi ilə Ermənistandakı faydalı qazıntı yataqlarının xəritəsi hazırlandı. Bu xəritə müxtəlif ölkələrdəki tədbirlərdə beynəlxalq təşkilatların üzvlərinə təqdim edildi. Azərbaycan Kartoqraflar Cəmiyyəti tərəfindən bu xəritə üzərində işlər davam etdirildi. Bu xəritə Azərbaycan, ingilis və erməni dillərində təqdim olundu. Bu yaxında İran mediasında gedən məlumatlara əsasən, İranın müvafiq səhiyyə qurumu ölkənin adını çəkməsə də, Ermənistanla sərhəddə yaşayan əhali arasında müxtəlif mədə-bağırsaq xəstəliklərinin yaranması barədə məlumat yaydı. Arazın töküldüyü çaylardan biri də Oxçuçaydır".

Oxşar xəbərlər

“Environmental protection first”: Ermənistan Orxus və Espo konvensiyalarının tələblərini pozmağa davam edir

Ermənistanda dağ-mədən sənayesində fəaliyyət göstərən 26 şirkət regionun ekologiyasına ziyan vurur

EPF həmtəsisçisi: Rəsmi İrəvan ekoloji pozuntular üzrə müraciətlərə cavab vermir, Ermənistanda monitorinqlər aparılmalıdır

Koalisiya: Ermənistanda fəaliyyət göstərən mədən şirkətlərinin şəffaflığı aşağı səviyyədədir

İqor Krasnov: Rusiyada hər il ekoloji sahədə 300 minə yaxın qanun pozuntusu aşkar edilir