Çin Kommunist Partiyası Mərkəzi Komitəsinin üzvü, Beynəlxalq əlaqələr şöbəsinin müdiri Lyu Tszyançaonun Azərbaycana səfəri ikitərəfli əməkdaşlığın gücləndirilməsində mühüm addım olacaq.

“Report” xəbər verir ki, bu barədə "Yeni Azərbaycan" Partiyasının (YAP) sədr müavini Tahir Budaqov Bakıda keçirilən "Azərbaycan - Çin strateji tərəfdaşlığı: Qlobal Cənubda konsolidasiya və əməkdaşlığın təşviqi" mövzusunda konfransda bildirib.

T.Budaqov qeyd edib ki, səfərin qısa olmasına baxmayaraq, L.Tszyançao onu məhsuldar keçirməyə müvəffəq olub. Onun fikrincə, Prezident İlham Əliyevlə danışıqlar Azərbaycan və Çin arasında əməkdaşlığın inkişafını sürətləndirməyə və potensialını üzə çıxarmağa imkan verəcək.

YAP sədrinin müavini L.Tszyançaonun gələcəkdə yenidən Azərbaycana səfər edəcəyinə və bunun iki ölkə arasında tərəfdaşlıq münasibətlərinin daha da möhkəmlənməsinə töhfə verəcəyinə ümidvar olduğunu deyib.

Oxşar xəbərlər

Tahir Budaqov: Zəngəzur dəhlizinin reallaşdırılması tərəfdaş ölkələr arasında əməkdaşlığı gücləndirəcək

Liu Tszyançao: Çin və Azərbaycan əməkdaşlıq potensialını üzə çıxarmalıdır

Lyu Tszyançao: Çin Azərbaycanın ŞƏT ilə qarşılıqlı əlaqələrinin güclənməsinə ümid edir

Tahir Budaqov: COP29 Azərbaycan reallıqlarını dünyaya çatdırmaq üçün növbəti beynəlxalq platforma olacaq

YAP ilə Çin Kommunist Partiyası arasında memorandum imzalanıb