Azərbaycanın Xarici İşlər Nazirliyi ilə Venesuela Xarici İşlər üzrə Xalq Hakimiyyəti Nazirliyi arasında videokonfrans formatında ilk konsulluq məsləhətləşmələri keçirilib.

"Report" xəbər verir ki, bu barədə Azərbaycan Xarici İşlər Nazirliyi məlumat yayıb.

Bildirilib ki, məsləhətləşmələrdə Azərbaycanı XİN-in Konsulluq idarəsinin rəisi Emil Səfərov, Venesuelanı isə Xarici İşlər üzrə Xalq Hakimiyyəti Nazirliyinin Konsulluq əlaqələri ofisinin baş direktoru Maria Rafaela Suarez Hernandez təmsil edib.

Görüşdə Azərbaycanın Venesueladakı səfiri Ruslan Rzayev və Venesuelanın Azərbaycandakı səfiri Kristofer Martinez də iştirak ediblər.

Məsləhətləşmələr zamanı Azərbaycan və Venesuela arasında konsulluq sahəsində əməkdaşlığın cari vəziyyəti və inkişaf perspektivləri, bu sahədə ikitərəfli müqavilə-hüquq bazasının genişləndirilməsi imkanları müzakirə edilib.

Eyni zamanda məsləhətləşmələr çərçivəsində rəqəmsal konsulluq xidmətlərinin göstərilməsi sahəsində qabaqcıl təcrübə mübadiləsinin aparılmasının əhəmiyyəti vurğulanıb.

Bundan əlavə, iki ölkə arasında miqrasiya, əmək, sosial müdafiə və digər sahələrdə əməkdaşlıq məsələləri nəzərdən keçirilib.

Oxşar xəbərlər

Azərbaycanla Venesuela arasında konsulluq məsləhətləşmələri aparılıb

Azərbaycan və Kolumbiya arasında ilk konsulluq məsləhətləşmələri keçirilib

Azərbaycanla Özbəkistan arasında konsulluq məsləhətləşmələri keçirilib

Azərbaycan və Kolumbiya XİN-ləri arasında konsulluq məsləhətləşmələri keçirilib