Azərbaycan GUAM Parlament Assambleyasına sədrliyi Gürcüstana təhvil verib.

“Sizinxeber.az”un yerli bürosu xəbər verir ki, Azərbaycanın sədrliyi ilə GUAM Parlament Assambleyasının onlayn iclası keçirilib və toplantıda quruma üzv ölkələrin parlament nümayəndələri iştirak ediblər.

Sessiya çərçivəsində birgə komitə iclası və büro toplantısı keçirilib, yekun sənədin son variantı təsdiqlənib və Assambleya iclasında çıxışlar edilib.

Gürcüstan parlamentinin Hüquq məsələlərikomitəsi sədrinin birinci müavini Tornike Çxeişvili çıxışında GUAM üzv ölkələri arasında sektoral əməkdaşlığın təşviqinin hər zaman düzgün istiqamətdə atılmış addım olduğunu bildirib. O vurğulayıb ki, bu, ümumi imkanların araşdırılmasına və qarşılıqlı inkişafa töhfə verir.

Çxeişvilinin sözlərinə görə, dialoqun, bilik və təcrübə mübadiləsinin, eləcə də yeni layihə və təşəbbüslərə üstünlük verilməsinin vacibliyi ön planda olmalıdır. O qeyd edib ki, GUAM çərçivəsində ticarət, rabitə, energetika və nəqliyyat sahələrində geniş imkanlar mövcuddur və bu istiqamətdə milli parlamentlər də mühüm rol oynaya bilərlər.

T.Çxeişvili çıxışında son illərdə GUAM regionunun artan çağırışlarla üzləşdiyini, bunun üzv ölkələrin təhlükəsizliyi, suverenliyi və ərazi bütövlüyü üçün təhdid yaratdığını vurğulayıb. O, regionda sülhün qorunmasının vacibliyini qeyd edərək, Gürcüstanın bu istiqamətdəki prioritetlərini deputatların diqqətinə çatdırıb.

Sessiyanın sonunda Assambleyanın yekun sənədi – Kommunike qəbul edilib. GUAM Parlament Assambleyasının sədrliyi bir il müddətinə Azərbaycandan Gürcüstana keçib.

Oxşar xəbərlər

GUAM PA-nın Baş katibi: Parlament seçkilərində nəzərəçarpan uyğunsuzluqlar aşkar edilməyib

GUAM-ın Azərbaycandakı seçkiləri müşahidə missiyasının tərkibi açıqlanıb

Ukrayna səfiri GUAM-ın baş katibi ilə görüşüb

GUAM-ın Baş katibinin Ukrayna səfiri ilə müzakirə etdiyi mövzular açıqlanıb

Asiya Parlament Assambleyasının 15-ci plenar sessiyası başa çatıb