Azərbaycanın Efiopiyadakı səfiri Ruslan Nəsibov burundili həmkarı Villi Nyamitve ilə ikitərəfli münasibətlərin gücləndirilməsini müzakirə edib.

“Report” xəbər verir ki, bu barədə Afrika ölkəsinin səfirliyi sosial şəbəkədə bildirib.

“Burundi səfiri Villi Nyamitve Efiopiyada Azərbaycan səfiri Zati-aliləri Ruslan Nəsibovla görüşməkdən məmnun olub. Onların müzakirəsi ikitərəfli münasibətlərin gücləndirilməsinə və iki ölkə arasında səmərəli əməkdaşlıq imkanlarının araşdırılmasına yönəlib”, – səfirliyin paylaşımında qeyd olunub.

Azərbaycanlı diplomat isə sosial şəbəkə hesabında görüşməkdən məmnunluğunu bildirərək ölkələr arasında “ikitərəfli münasibətlər və gələcək planlar barədə səmimi fikir mübadiləsi aparıldığını” vurğulayıb.

Qeyd edək ki, Burundi Şərqi Afrikada yerləşir. 11 milyondan çox əhalisi olan respublika ən az inkişaf etmiş ölkələrdən biri hesab olunur.

Oxşar xəbərlər

Səfir pakistanlı nazirlə Bakı və İslamabad arasında iqtisadi əməkdaşlığın gücləndirilməsini müzakirə edib

Azərbaycan və İranın Belarusdakı səfirləri regiondakı vəziyyəti müzakirə ediblər